Қазақстандық шахматшы, блицтен үш дүркін әлем чемпионы Бибісара Асаубаева Instagram парақшасында оқырмандардың сұрақтарына ашық жауап берді.
Асаубаева қазіргі өмір салтына байланысты нақты бір елді атаудың қиын екенін жеткізді:
— Қай ел сізге ПМЖ үшін ең қолайлы?
— Айту қиын. Турнирлер мен жиындарға көп қатынаймын, сондықтан өзімді тұрақты мекені жоқ адамдар қатарына жатқызамын. Қазір маған мегаполистер ұнайды, ең бастысы — теңіз не мұхит жақын болса жақсы, — деді шахматшы.
Еске салайық, Бибісара Асаубаева 2025 жылы әйелдер арасында блицтен әлем чемпиондығын үшінші рет жеңіп алды. Бұл жетістік үшін ол 40 мың еуро (шамамен 23,8 млн теңге) көлемінде жүлдеақы алған. Финалда қазақстандық шахматшы Украина өкілі Анна Музычукты жеңіп, чемпион атанды.
