Маңғыстаулық блогерлер ұлына Роналдо есімін берді

Неліктен “Роналдо”?

Блогердің жазбасына сүйенсек, сәби есімі әлем футболы тарихындағы ең жарқын шабуылшылардың бірі – бразилиялық Роналдоға (Роналдо Луис Назарио де Лима) құрмет ретінде таңдалған. Авторлар бұл жерде португалиялық Криштиану Роналдумен шатастырмауды да атап өткен.

Әсел Ерімбетова перзентханадан шығу сәті күтпегендей әсерлі болғанын айтып өтті. Оның сөзінше, жолдасы үйде арнайы тосынсый дайындаған.

Блогер: “Біз перзентханадан тыныш қана шығамыз деп ойладық… Бірақ үйде күйеуім үлкен сюрприз жасап қойыпты. Аллаға шүкір, жанымда осындай қамқор, сезімтал серігім бар. Бақыт – осындай қарапайым сәттер”, – деп жазды.

Пікірталас та болды: “Қазақша ат неге жоқ?”

Желі қолданушыларының бір бөлігі Қазақстанға тән емес есімге қатысты сын айтқан. Бұған жауап ретінде блогер жеке жазба жариялап, баланың қазақы болмысы есімде емес, тәрбиеде екенін жеткізді.

Әсел Ерімбетова: “Неге қазақша ат қоймадыңдар дейтіндерге айтарым: қазақтың рухы – атында емес, тәрбиесінде. Ұлымды нағыз қазақ етіп өсіремін, уайымдамаңыздар. Ең бастысы – бұл есімді әкесі мен анасы махаббатпен қойды. Қалғаны – жай ғана фон”, – деді.

Роналдо кім?

Роналдо Луис Назарио де Лима – әлем футболының аңызы саналатын бразилиялық шабуылшы. Жанкүйерлер арасында олитістерінің арасындағы ерекше белгісіне байланысты “Зубастик”, алаңдағы феноменалды ойыны үшін “Феномен” деген лақап аттармен танылған.

Роналдоның негізгі жетістіктері қысқаша:

• Бразилия құрамасымен екі дүркін әлем чемпионы (1994, 2002);
• 2002 жылғы әлем чемпионатының үздік сұрмергені (8 гол);
• “Алтын доп” иегері (1997, 2002);
• “Барселона”, “Интер”, “Реал Мадрид”, “Милан”, ПСВ секілді клубтарда ойнаған.