Әлемнің 12-ракеткасы Елена Рыбакина Францияның Страсбург қаласында өтіп жатқан беделді WTA 500 санатындағы турнирдің финалына жолдама алды.
Рыбакина жартылай финалда әлемдік рейтингтің 23-сатысында тұрған Бразилия спортшысы Беатрис Хаддад Майямен кездесіп, тартысты үш сетте басым түсті:7:6, 1:6, 6:2.
Бірінші сет тай-брейкке ұласып, Рыбакина жүйке мықтылығын көрсетті. Екінші сетте бразилиялық ойын тізгінін қолға алғанымен, үшінші сетте қазақстандық теннисші толық үстемдік орнатып, сенімді жеңіске жетті.
Финалдық кездесуде Рыбакина АҚШ теннисшісі Даниэль Коллинс (WTA 46) мен ресейлік Людмила Самсонова (WTA 19) арасындағы жеңімпазбен ойнайды. Бұл ойын да айрықша тартысты болатыны анық.
18–24 мамыр аралығында өтіп жатқан Страсбург турнирінің жеңімпазы:
Айта кетейік, былтыр бұл турнирде америкалық Мэдисон Киз топ жарған болатын.
