Қазақстандық теннисші 13 айлық үзілістен кейін алғаш рет WTA турнирінің финалына шықты.
Қазақстандық теннисші Елена Рыбакина Страсбургтегі WTA-500 санатындағы турнирдің финалына шықты. Бұл — оның соңғы 13 айдағы алғашқы финалы. Енді ол шешуші ойында ресейлік Людмила Самсоновамен кездеседі.
2023 жылдың көктемінен бері алғаш рет WTA турнирінің финалына жолдама алған Елена Рыбакина 23 мамырда өткен жартылай финалда бразилиялық Беатрис Хаддад-Майяны қиын кездесуде жеңіп шықты.
Матч есебі: 7:6 (9:7), 1:6, 6:2
Екінші сеттегі сәтсіздікке қарамастан, Елена шешуші сәтте қайта серпіліп, сенімді ойын көрсетті.
24 мамыр күні өтетін финалда Рыбакина әлемнің 19-ракеткасы, ресейлік Людмила Самсоновамен кортқа шығады. Самсонова жартылай финалда америкалық Даниэль Коллинзді 6:4, 6:2 есебімен жеңген.
Страсбург турнирі — грунтты жабындыда өтетін, WTA-500 деңгейіндегі маңызды жарыс.
Бұл жарыс — "Ролан Гаррос" турниріне басты дайындық алаңы.
Қазіргі чемпион — америкалық Мэдисон Киз.
