Қазақстанның үздік теннисшісі қарсыласын тас-талқан етті

Бірде-бір сет бермей басымдықпен жеңді

Париждегі топ-турнирдің алғашқы айналымында Бублик Австралия өкілі Джеймс Даквортпен (ATP №92) кездесіп, үш сет қорытындысы бойынша 6:2, 6:4, 6:4 есебімен айқын басымдықпен жеңіске жетті. Қарсыласын толықтай басып озған Александр келесі кезеңге сенімді өтті.

Келесі қарсылас — әлемнің ТОП-10 ойыншысы

Екінші айналымда Бубликке тағы бір аустралиялық теннисші — Алекс Де Минаур (ATP №9) қарсылас атанбақ. Ол өз кезегінде сербиялық Ласло Дьеренi (№64) 6:3, 6:4, 7:6 есебімен ұтты.

Бұл кездесу Бублик үшін турнирдегі маңызды сын болмақ, себебі Алекс – әлемнің үздік ондығына енген теннисшілердің бірі.

Турнир жайлы жалпы мәлімет

• "Ролан Гаррос"-2025 турнирі 25 мамыр – 8 маусым аралығында Парижде өтіп жатыр.
• Жалпы жүлде қоры — 56 352 000 еуро.
• Турнир жеңімпазы 2 550 000 еуро және 2500 ATP рейтингілік ұпайын алады.
• Қазіргі чемпион — испаниялық Карлос Алькарас.