Қазақстандық теннисші Денис Евсеев Германияның Хайльбронн қаласында өтіп жатқан Challenger турнирінде сенсациялық жеңістің авторы атанды.
Евсеевке әлемнің бұрынғы 10-ракеткасы испаниялық Пабло Карреньо Буста қарсы тұрды. Бірақ қазақстандық ешқандай мүмкіндік қалдырмай, екі сетте де бірдей есеппен 7:5, 7:5 есебінде басым түсті.
1/8 финалдағы сенсациялық жеңістен кейін Евсеев келесі кезеңде Игнасио Бусемен жолығады. Перулық теннисші осыған дейін Тимофей Скатовты жеңген еді. Ол матч 6:1, 7:6 есебімен аяқталды.
Айта кету керек, Евсеев пен Бусенің қатысуымен өткен матчтар кеше басталғанымен ауа райының құбылуынан үзіліске ұшырады. Соған қарамастан қос теннисші де өз ойынын сенімді түрде аяқтап, келесі кезеңге өтті.
