Қазақстандық теннисші Александр Шевченко Словакия астанасы Братиславада өтіп жатқан беделді турнирдің 1/8 финалына шықты.
Шевченок турнирдің келесі кезеңіне жолдама алу үшін германиялық Кристоф Негритумен кездесті. Матч 6:4, 6:1 есебімен айқын жеңіспен аяқталды.
Кездесу барлығы 1 сағат 8 минутқа созылды. Қазақстандық теннисші қарсыласынан барлық компонент бойынша басым түсіп, өз деңгейін толық көрсетті.
Александр келесі кезеңде ұлыбританиялық Ян Чоинскимен кортқа шығады. Бұл кездесу де тартысты болатыны анық. Бірақ Шевченконың қазіргі қарқыны үміт отын жандырады.
