Қытайлық теннис жұлдызы Чжэн Циньвэнь Берлинде өтетін WTA-500 турнирінің алғашқы кезеңінде қазақстандық Елена Рыбакинамен ойнауы тиіс еді.
Әлемдік рейтингте 4-орында тұрған қытайлық теннисші Чжэн Циньвэнь Берлиндегі WTA-500 санатындағы турнирге қатысудан бас тартты.
Ол бірінші айналымда Қазақстан атынан сынға түсетін Елена Рыбакинамен (WTA рейтингінде 11-орын) кездесуі тиіс болатын. Алайда Чжэннің күтпеген шешіміне байланысты оның орнына "лаки-лузер" мәртебесімен америкалық Эшлин Крюгер (33-орын) негізгі турнирлік сеткаға енді.
Елена Рыбакина мен Эшлин Крюгер арасындағы кездесу 17 маусым күні өтеді.
Турнир 16–22 маусым аралығында Германия астанасы Берлинде, шөп төселген кортта ұйымдастырылып отыр.
Турнирдің жалпы жүлде қоры – 925 661 еуро. Өткен жылы бұл жарыстың жеңімпазы — америкалық Джессика Пегула, ол финалда ресейлік Анна Калинскаяны ұтқан болатын.
