Михаил Кукушкин Уимблдон-2025 турнирінің іріктеу кезеңін күтпеген нәтижемен бастады.
Отандасымыз алғашқы раундта Бразилия өкілі Тьяго Уайлдты үш сетте ұтып кетті. Қорытынды есеп: 4:6, 6:4, 6:3.
Кукушкин тәжірибесі мен мықты дайындығының арқасында матчты өз пайдасына бұра алды.
Көпшілік бұл кездесуде фаворит ретінде әлемдік рейтингте жоғары тұрған Тьяго Уайлдты санаған. Алайда Кукушкин қарсыласының шабуылдарына лайықты жауап беріп, ойын тізгінін өз қолына алды.Келесі кезеңде Михаил Кукушкин 195-орында тұрған даниялық теннисші Аугуст Хольмгренмен кездеседі.
