Александр Бублик Галледегі жеңісінен кейін күтпеген шешім қабылдады

Қазақстанның бірінші ракеткасы Александр Бублик ATP-250 санатындағы Истборн турнирінен бас тартты. 

Турнирден неге бас тартты?

Дүниежүзілік рейтингте 30-орында тұрған Бублик Ұлыбританияның Истборн қаласында өтетін жарысқа қатыспайтын болды. Оның орнына негізгі сеткаға америкалық теннисші Дженсон Бруксби қосылды. Бруксби алғашқы айналымда аргентиналық Франсиско Комесаньемен кездеседі.

Турнирден бас тарту туралы нақты себеп жарияланбағанымен, спорт мамандары бұл шешімді Бубликтің тығыз жарыс күнтізбесі мен қалпына келу кезеңімен байланыстыруда.

Жақында қандай жетістікке жетті?

Еске салсақ, Александр Бублик өткен аптада Германияның Халле қаласында өткен беделді ATP-500 турнирінде жеңімпаз атанған еді. Жарыс барысында ол:

• Әлемнің бірінші ракеткасы Янник Синнерді (Италия),
• Ресейлік Карен Хачановты,
• Финалда – Даниил Медведевті сенімді түрде жеңді.

Бұл жеңіс Бубликтің мансабындағы ең ірі жетістіктердің бірі саналады.