Қазақстандық теннисші үш айда үшінші титул жеңіп алды

Нұрғалиева Сая

Сарапшы, спорт журналисі

29.06.2025, 19:06

Жібек Құламбаева Сербияда өткен халықаралық турнирде жеңіске жетіп, 2025 жылғы үшінші титулын иемденді.

Қазақстандық теннисші үш айда үшінші титул жеңіп алды

Instagram/@kulambaevaa

Сербиядағы сенімді жеңіс

WTA рейтингінде 306-орында тұрған Жібек Құламбаева Куршумлия-Баня (Сербия) қаласында ITF санатындағы турнирде топ жарды. Ол финалда жергілікті теннисші, рейтингте 751-орында тұрған Драганья Вуковичті екі сетте жеңді — 6:4, 7:6. Тартысты матч 2 сағат 1 минутқа созылды.

Үшінші титул — биылғы маусымдағы жарқын жетістік

Бұл — Жібек Құламбаеваның 2025 жылғы үшінші жеңісі. Бұған дейін ол жұптық сында екі рет чемпион атанған еді:

сәуірде Мадрид (Испания) қаласында өткен турнирде жұптық сында жеңімпаз атанды;
мамырда Германияның Висбаден қаласындағы турнирде де қарсыластарына дес бермей, тағы бір титул еншіледі.