Тимофей Скатов Bonn ATP Challenger турнирінде финалға шықты. Әлемдік рейтингте 308-орында тұрған отандасымыз басты фавориттердің бірін жолдан тайдырды.
Жартылай финалда Тимофей бельгиялық Рафаэль Коллиньонмен (ATP №107) кездесіп, үш сетке созылған тартысты матчта жеңіске жетті – 6:4, 4:6, 7:5. Ойын уақыты – 2 сағат 49 минут.
Коллиньон турнирдің екінші нөмірлі және титулға басты үміткерлердің қатарында болған. Бірақ Скатов батыл ойынымен матчты өз пайдасына шешті.
Финалда Тимофей Скатов австриялық Юрий Родионовпен (ATP №185) шеберлік байқасады.
