Қазақстандық теннисші керемет камбэк жасады.
Әлемдік WTA рейтингінде 12-орында тұрған Елена Рыбакина АҚШ-тың Цинциннати қаласында өтіп жатқан беделді турнирде кезекті жеңіске жетті.
Үшінші айналымда ол жұптық сында "Үлкен дулыға" турнирлерінің бес дүркін жеңімпазы бельгиялық Элизе Мертенспен (WTA – 22 орын) кортқа шықты. Қиын өткен тартысты матч үш сетке созылып, Рыбакина 4:6, 6:3, 7:5 есебімен жеңіске жетті. Осылайша Елена турнирдің 1/8 финалына жолдама алды.
Цинциннати турнирінің алғашқы айналымында Рыбакина мексикалық Рената Сарасуаны (WTA – 68 орын) 4:6, 6:0, 7:5 есебімен ұтқан.
2025 жылғы турнирдің жалпы жүлде қоры — 5 152 599 АҚШ доллары. Жеңімпазға 752 275 доллар және WTA рейтингінде 1000 ұпай беріледі.
Турнирдің қазіргі чемпионы — әлемдік рейтинг көшбасшысы, Беларусь өкілі Арина Соболенко.
