Қазақстанның үздік теннисшісі, WTA рейтингінде 10-орында тұрған Елена Рыбакина АҚШ-тағы WTA 1000 турнирінде кезекті жарқын жеңісіне жетті. Ол Цинциннатидегі 1/8 финалда әлемнің алтыншы ракеткасы Мэдисон Кизді үш сетте тізе бүктірді – 6:7 (3:7), 6:4, 6:2.
Бірінші сетте тартысты ойын көрсеткенімен тай-брейкте Киз жеңісті жұлып әкетті. Алайда Елена екінші сетті 6:4 есебімен ұтып, шешуші сетте толық үстемдік құрды – 6:2. Бұл нағыз камбэк болып, жанкүйерлер мен теннис мамандарын тәнті етті.
Цинциннатиде Рыбакина алғашқы айналымдарда:
Мексикалық Рената Сарасуаны (WTA – 70) – 4:6, 6:0, 7:5,
Бельгиялық Элизе Мертенсті (WTA – 22) – 4:6, 6:3, 7:5 есебімен жеңген болатын.
