Тимофей Скатов Италияның Тоди қаласында өтіп жатқан ATP Challenger санатындағы турнирдің жартылай финалына шықты.
Ширек финалда Скатов Италия өкілі Джанмарко Ферраримен күш сынасты. Кездесу 2 сағат 33 минутқа созылып, тартысты өтті. Бірінші сетте қазақстандық теннисші 6:4 есебімен жеңіске жетті. Екінші сетте тай-брейкте 6:7 есебімен ұтылып қалды. Алайда шешуші үшінші сетте Скатов 6:2 есебімен басым түсіп, матчты өз пайдасына аяқтады.
Бұл кездесуге дейін Скатов пен Феррари кортта бір-біріне қарсы ойнамаған еді.
Жартылай финалда Тимофей Скатов Монако елінің теннисшісі Валентен Вашеромен кортқа шығады.
