Қазақстанның бірінші ракеткасы Александр Бублик алғашқы сеттегі сәтсіздіктен кейін ойын тізгінін өз қолына алып, жеңіске жетті.
Ханчжоу қаласында (Қытай) өткен ерлер арасындағы ATP-250 сериялы хард корт турнирінде Бублик әлемнің 93-ракеткасы, австралиялық Александар Вукичпен кездесті.
Ойын 2 сағат 15 минутқа созылып, қазақстандық теннисшінің жеңісімен аяқталды. Бублик қарсыласын үш сетте тізе бүктірді — 6:7 (6:8), 6:4, 6:4.
Ширек финалда Бублик Сврчина — Чжан жұбының жеңімпазымен кортқа шығады.
