АТР 250 де жеңіске жеткен Александр Бубликтің қомақты қаржылай сыйақы алғаны белгілі болды.
Еске салсақ, Қазақстанның бірінші ракеткасы, әлемдік ATP рейтингінде 19-орында тұрған Александр Бублик Қытайдың Ханчжоу қаласындағы ATP-250 турнирінің чемпионы атанды.
Шешуші ойында Бублик Франция теннисшісі Валентен Ройеге (ATP рейтингі – 88) қарсы шығып, екі сетте де тай-брейкте жеңіске жетті — 7:6, 7:6.
Lynk & Co Hangzhou Open ATP 250 мәліметі бойынша, турнирдің жалпы сыйақысы 1 019 185 доллар екен (555,4 млн тенге). Жеңімпазға 154 980 доллар қарастырылған (84,4 млн тенге).
Тағы да айта кететін жәйт, осы жеңістің арқасында Бублик АТР рейтингінде өз тарихында алғаш рет 16-шы сатыға кзтерілді. Осыған дейін оның ең жоғарғы орны 17-ші орын болған еді.
