Юлия Путинцева Қытай турнирінің иесін ойсырата жеңді
Қазақстанның екінші ракеткасы Юлия Путинцева Қытайдың Цзюцзян қаласында өтіп жатқан WTA 250 санатындағы хард турнирінде жергілікті спортшыны еш мүмкіндік қалдырмай ұтты.
Путинцева 1/8 финалда әлемдік рейтингтің 309-шы сатысындағы қытайлық Ушуан Чжэнмен кездесті. Бар болғаны 1 сағат 5 минутқа созылған матчта, Юлия қарсыласын екі сетте 6:2, 6:0 есебімен ойсырата жеңіп, ширек финалға жолдама алды.
Айта кетейік, бұған дейін қос теннисші бір-бірімен кездеспеген.
Ширек финалда Юлия Путинцева Швейцария өкілі Виктория Голубичпен кездеседі.
Бұл туралы не ойлайсыз?