Елена Рыбакина "Ролан Гаррос" -2026 турнирінде алғашқы қарсыласын оңай жеңді
WTA рейтингінде 2-орында тұрған отандасымыз бірінші айналымда словениялық Вероника Эрьявецтен басым түсті.
Екі сетте жеңіске жетті
Париждегі Үлкен дулыға додасының алғашқы кезеңінде Елена Рыбакина әлемдік рейтингте 85-орында тұрған Вероника Эрьявецпен кездесті. Қазақстандық теннисші матч бойы қарсыласынан басым ойнап, кездесуді екі сетте аяқтады. Есеп — 6:2, 6:2.
Рыбакина екінші айналымда украиналық Юлия Стародубцевамен кездеседі. Ол WTA рейтингінде 54-орында орналасқан.
"Ролан Гаррос"-2026 жүлде қоры
Биылғы Франция ашық чемпионатының жалпы жүлде қоры 61 723 000 еуро деп белгіленген.
Жекелей сындағы чемпион 2 800 000 еуро көлемінде сыйақы алып, оған қоса 2000 рейтингтік ұпай еншілейді.
Елена Рыбакинаның "Ролан Гарростағы" ең үздік көрсеткіші — ширек финал. Теннисші бұл нәтижеге 2021 және 2024 жылдары жеткен.