Рыбакина Цинциннатидегі турнирде жеңісті жолын жалғастырды (ВИДЕО)

Френхті екі сетте жеңді

Елена Рыбакина үшінші айналымда әлемдік рейтингте 41-орында тұрған польшалық теннисші Магдалена Френхпен кездесті. Қазақстандық теннисші қарсыласын екі сетте 6:4, 7:6 (7:2) есебімен жеңді. Кездесу екі сағатқа созылды. 

Бұл жеңістен кейін Рыбакина мен Френхтің өзара кездесулеріндегі есеп 4:0 болды. Қазақстандық теннисші осы уақытқа дейін польшалық спортшыдан бірде-бір рет есе жібермеген.

Рыбакинаның келесі қарсыласы кім?

Қазақстандық теннисші Цинциннатидегі “мыңдық” турнирдің ширек финалына шығу үшін келесі кезеңде Диана Шнайдермен (Ресей) ойнайды. Ресейлік теннисші үшінші айналымда Майя Хвалиньскаяны (Польша) 6:2, 7:6 (7:3) есебімен жеңген.

Осылайша Рыбакина жарысты жалғастырып, WTA 1000 турнирінің ширек финалына жолдама үшін таласады.