Елена Рыбакинаның Алматыдағы баспасөз мәслихаты тағы өтпей қалды
Әлемнің бірінші ракеткасы және US Open турнирінің жаңа чемпионы журналистермен кездесуді осы аптада өткізуі керек болған.
Баспасөз мәслихаты екінші рет өтпей қалды
Алғашында Рыбакина БАҚ өкілдерімен Алматыдағы Ботаникалық бақта кездесуі тиіс еді. Бірақ теннисшінің денсаулығына байланысты жиын кейінге шегерілген.
Кейін Қазақстан теннис федерациясы баспасөз мәслихатын "Алатау" теннис кешенінде өткізуді жоспарлады. Федерация кездесу қарсаңында оның да болмайтынын мәлімдеді.
ҚТФ мәліметінше, Рыбакинаның жағдайы қайта нашарлаған. Дәрігерлер оған кез келген белсенділікті шектеп, адамдармен байланысты барынша азайтуды ұсынған.
Федерация таратқан мәлімдемеде Алматыда вирустық инфекция өршіп тұрғаны және теннисшінің денсаулығына қосымша қауіп төндірмеу үшін баспасөз мәслихатын толықтай тоқтату жөнінде шешім қабылданғаны айтылды. Ұйымдастырушылар БАҚ өкілдерінен кешірім сұрап, Рыбакина толық айыққаннан кейін журналистермен жеке кездесу өткізуге үміт білдірді.
Кездесудің жаңа күні белгісіз
Елена Рыбакинаның журналистермен келесі кездесуі қашан өтетіні хабарланған жоқ. Сонымен қатар теннисші сол күні таңертең әлеуметтік желіде үй жануарымен қалада серуендеп жүрген сәтін жариялаған.
Әзірге федерация жаңа мерзімді атаған жоқ.