Елена Рыбакина тағы бір тарихи көрсеткішке қол жеткізді
OptaLena мәліметінше, Рыбакина WTA 500 және бұрынғы соған тең турнирлерде 80 жеңіске жету үшін 117 матч өткізген.
Қазақстандық теннисші, әлемнің бірінші ракеткасы Елена Рыбакина WTA 500 санатындағы турнирлерде маңызды статистикалық межеге жетті.
Нинбода өтіп жатқан WTA 500 турнирінің екінші айналымында Өзбекстан өкілі Полина Кудерметованы жеңгеннен кейін Рыбакина осы деңгейдегі жарыстардың негізгі торында 80-жеңісіне қол жеткізді.
80 жеңіске 117 матчта жетті
OptaLena мәліметінше, Рыбакина WTA 500 және бұрынғы соған тең турнирлерде 80 жеңіске жету үшін 117 матч өткізген.
Бұл – WTA турнирлік жүйесі 2009 жылы реформаланғалы бері осы межеге ең жылдам жеткен теннисшілер арасындағы төртінші нәтиже.
Қазақстандық спортшыдан бұл көрсеткішке тек үш теннисші жылдамырақ жеткен:
- Петра Квитова – 112 матч;
- Арина Соболенко – 112 матч;
- Каролина Возняцки – 113 матч.
Қудерметова бірінші сетте ойынды тоқтатты
Нинбодағы екінші айналымда Рыбакина әлемдік рейтингте 105-орында тұрған Полина Кудерметовамен кездесті.
Бірінші сетте есеп 5:0 болып, қазақстандық теннисші алда тұрған кезде қарсыласы денсаулығына байланысты кездесуді жалғастырудан бас тартты.
Осының арқасында Рыбакина ширек финалға жолдама алды.
Енді Елена Рыбакина Нинбодағы турнирдің ширек финалында Польшаның Катаржина Кавасымен кездеседі.
Әлемдік рейтингте 128-орында тұрған Каваға қарсы матч 23 қазанда өтеді.