Теннистен жұптық сында өнер көрсететін Анна Данилина Мексиканың Гвадалахар қаласында өтіп жатқан WTA 500 турнирінің алғашқы айналымында жеңіске жетті.
Ресейлік Ирина Хромачевамен бірге жұп құрап қатысып жатқан жерлесіміз Кайла Дэй (АҚШ) және Ребекка Марино (Канада) жұбымен кездесіп, ұпайдан шашау шығармады. Қорытынды есеп 6:0, 6:2. Жалпы, Анна мен Ирина мексикадағы сайысқа рейтинг бойынша үшінші нөмір болып тіркелді. Айта кетейін, Анна Данилина жұптық сыннан қазақстанның бірінші ракеткасы саналады. WTA рейтингінде ол 40-шы орында тұр.
