Испан теннисінің аңызы Карлос Алькараспен бірге Олимпиада ойындарында жеңіліп қалғаннан бері кортқа шықпаған еді.
Американың ашық чемпионатына қатысудан бас тартқан Надаль Берлинде өтетін Лейвер кубогында өнер көрсетуі керек-тін. Алайда 38 жастағы спортшы келесі аптада басталатын командалық жарысқа қатыспайтынын мәлімдеді. Бұл туралы ол өзінің әлеуметтік желідегі парақшасында жазды.
Даңқты спортшы не себепті өнер көрсетпейтінін айтпады. Мұндай шешімді команда мүддесі үшін қабылдағанын атап өтті.
«Келесі аптада Берлинде өтетін Лейвер кубогына қатыса алмайтыным өте өкінішті. Бұл командалық жарыс және Еуропа құрамасын барынша қолдау үшін өзгелерге тиімді шешімді қабылдауыма тура келді. Ұжымды жеңіске жетелей алатын басқа да ойыншылар бар», - деп жазды Надаль.
Айта кетейін, Надальді кім алмастыратыны әзірге белгісіз.
