Қазақстандық теннисші кәрі құрлықтағы турнирде топ жарды

Беларусь спортшысы Юлия Готовкомен бірге жұптық сында өнер көрсететін қазақстандық теннисші Жібек Құламбаева Португалияда өткен ITF W35 турнирінде жеңіске жетті.

Жібек пен Юлия финалдық ойында Полина Яценко (Ресей)/Ханне Вандевинкель (Бельгия) жұбымен кездесіп, қарсыластарынан басым түсті. Қорытынды есеп - 6:3, 1:6, 10:4. 

Осылайша, отандасымыз Халықаралық теннис федерациясы (ITF) аясында өткен жарыстардың жұптық сынында осымен 32-ші рет жеңіске жетіп отыр. Ал жеке сында 5 мәрте жеңімпаз атанды.