Қазақстандық теннисші мен бұрынғы бапкер Стефано Вуков арасында әріптестік қайта орнады.
Қазақстанның бірінші ракеткасы Вуковпен былтыр тамыз айында қоштасқан. Енді 2025 жылы маманмен қайта жұмыс істейтінін Instagram сторизде жария етті.
“Бәріңізге сәлем! Стефано 2025 жылдың маусымында менің командама қосылатынын қуана жариялаймын. Маған қолдау білдіргендеріңізге алғыс айтамын. 2025 жылы ойдағыдай өтсін!” — деп жазды Рыбакина.
Стефано Рыбакинаны бес жыл бойы жаттықтырды. Қазақстандық теннисші оның тұсында 2022 жылы Уимблдон турнирін жеңіп алды.
