Дүниежүзілік допингке қарсы агенттік (WADA) әлемнің бірінші ракеткасы, италиялық теннисші Янник Синнерді спорттан шеттетуді талап етуде.
WADA өкілі Джеймс Фицджеральд ұйымның Синнерге қатысты шешіммен келіспейтінін мәлімдеді.
“WADA спортшының кінәсіз немесе салғырттық танытпағаны туралы қорытындымен келіспейді және оны жарыстардан бір жылдан екі жылға дейін шеттетуді талап етеді”, – деді Фицджеральд La Stampa басылымына берген сұхбатында.
WADA Янник Синнердің допинг ережелерін бұзғаны жөнінде Спорттық арбитраж сотына (CAS) апелляция берді.
Теннистегі теріс құбылыстармен күрес жөніндегі халықаралық агенттік (ITIA) мәліметінше, Синнер бұған дейін екі рет допинг-тесттен оң нәтиже алғанымен дисквалификациядан құтылып кеткен.
