Италиялық теннисші Янник Синнер, Дүниежүзілік допингке қарсы агенттікпен (WADA) келісімге келгеннен кейін үш айлық жарыстардан шеттетілуге келісті.
Былтыр тамыз айында Халықаралық теннистің адалдық агенттігі (ITIA) Синнерді кінәсіз деп танып, оның немқұрайлыққа жол бермегенін мәлімдеген. Бұл шешім 2024 жылдың наурыз айында оның екі рет клостебол стероидына оң нәтиже берген допинг сынамасын тапсырғанына қарамастан қабылданды. Бірақ көп ұзамай WADA апелляция түсіріп, италиялық спортшыны бір жылдан екі жылға дейін жарыстардан шеттетуді талап етті.
Бұған дейін Спорттық арбитраж соты (CAS) Синнердің ісін 16-17 сәуірде қарап, WADA-ның апелляциясына қатысты түпкілікті шешім шығаратыны хабарланған еді.
Осылайша, Синнер 2025 жылдың 19 мамырында басталатын келесі "Үлкен дулыға" турнирі – Франция ашық чемпионатына қатыса алады.
