Қазақстанның бірінші ракеткасы Александр Бублик (ATP рейтингінде 82-орын) АҚШ-тың Финикс қаласында өтіп жатқан беделді турнирдің жартылай финалында португалиялық Нуну Боржешпен (38-орын) кездесті.
Бұл матчта Бублик керемет ойын көрсетіп, қарсыласын екі сетте — 6:3, 6:4 есебімен жеңіп, финалға жолдама алды. Айта кетейік, Нуну Боржеш тек осы жекпе-жекте ғана емес, бүкіл турнирдің басты фавориті саналған еді. Алайда қазақстандық спортшы оны жарыс жолынан ығыстырып, өзінің мықтылығын дәлелдеді.
Турнирдің финалында Бублик Жоау Фонсекамен (Бразилия, 80-орын) кездеседі.
АҚШ-тағы бұл жарыстың жүлде қоры 250 000 доллар. Чемпион атанған спортшы 38 420 доллар қаржылай сыйақы алып, ATP рейтингінде 175 ұпайға ие болады.
