Кәсіпқой бокста жеңіліс көрмеген қазақстандық Виктор Темиров кезекті жекпе-жегін нокаутпен аяқтады.
Кәсіпқой бокс кеші Германияның Квакенбрюк қаласында өтті. Рингке шыққан отандасымыз Виктор Темиров (қазіргі рекорды – 7 жеңіс, 0 жеңіліс, 4 нокаут) польшалық тәжірибелі қарсылас Адам Цеслякпен (8 жеңіс, 25 жеңіліс, 1 тең) күш сынасты. Бірінші орта салмақтағы бұл жекпе-жек алты раундқа жоспарланған болатын.
Алайда тартысты бәсеке төртінші раундта аяқталды. Темиров қарсыласын айқын нокаутқа жіберіп, көрермендердің қошеметіне бөленді. Жекпе-жектің шешуші сәтінен бейнежазбаны төменнен көруге болады.
Темиров рингте "Қасапшы" лақап атымен танымал. Дегенмен Германиядағы жанкүйерлер оны "Жас Головкин" деп атай бастады. Себебі Геннадий Головкин де дәл осы елде алғашқы жеңістері арқылы әлемге таныла бастаған еді. Темировтің де жолы соған ұқсас – сенімді жеңістер мен нокауттар сериясы оның болашағы жарқын екенін көрсетіп отыр.
Бұл жеңіс Темировтің кәсіпқой бокстағы жетінші жетістігі болса, Адам Цесляк үшін бұл – 25-ші жеңіліс. Қарсыластың тәжірибесі мен рингтегі шеберлігіне қарамастан,отандасымыз еш мүмкіндік қалдырмады.
Виктор Темировтің келесі жекпе-жегі қашан өтетіні әзірге белгісіз. Дегенмен, осындай сенімді өнер көрсеткеннен кейін оның деңгейі жоғары қарсыластармен кездесуге толық мүмкіндігі бар.
