АҚШ-тың Майами қаласында өтіп жатқан UFC 314 турнирінде Пэдди Пимблетт пен Майкл Чендлер арасындағы шайқас жанкүйерлердің есінде қаларлық оқиғамен аяқталды.
UFC 314 турнирінің қосалқы басты жекпе-жегінде жеңіл салмақта өнер көрсететін британиялық жұлдыз Пэдди Пимблетт пен Bellator ұйымының бұрынғы чемпионы, америкалық Майкл Чендлер кездесіп, тартысты айқас ұсынды.
Үшінші раундта Пимблетт тізесімен жасаған соққы арқылы қарсыласының бетін терең жарақаттап, кейін оны канвасқа құлатып, үстемдік жүргізе бастады. Британиялық файтер басынан бағыттаған соққылардың сериясын жіберіп, төрешіге кездесуді тоқтатуға мәжбүр етті. Бұл — техникалық нокаут.
38 жастағы ардагер Чендлер бұл жекпе-жекте өз тәжірибесін паш ете алмады. Ал 30 жастағы Пимблетт үшін бұл жеңіс оның UFC-дегі беделін нығайта түсті.
Айта кетейік, UFC 314 турнирінің негізгі жекпе-жегінде австралиялық Александр Волкановски мен бразилиялық Диего Лопес жартылай жеңіл салмақтағы чемпиондық белбеу үшін кездеседі. Бұл айқас турнирдің басты интригасы болмақ.
