Дзюдошылар Азия чемпионатында жүлдеге күресіп, жарысты аяқтады

Қазақстан құрамасы командалық сайыста қола медаль үшін таласуға мүмкіндік алды. Бірақ жүлделі орынға көтеріле алмады. Командалық кездесуде отандастарымыз Оңтүстік Корея құрамасынан 0:4 есебімен жеңілді.

Тағы бір үшінші орын үшін болатын айқаста Тәжікстан мен Моңғолия өзара бақ сынайды. Ал чемпиондық атақ үшін Өзбекстан мен Жапония татамиге шығады.

Чемпионат қорытындысы бойынша Қазақстан дзюдошылары төрт медаль жеңіп алды. Жүлдегерлер тізімі:

• Ғалия Тынбаева — 48 кг дейінгі салмақ дәрежесінде қола медаль;
• Шерзод Давлатов — 60 кг дейінгі салмақта қола медаль;
• Бақыт Құсайбаева — 57 кг дейінгі салмақ дәрежесінде қола медаль;
• Мейірлан Максим — 90 кг дейінгі салмақта қола медаль.