Qazaqstan Barysy Grand Slam халықаралық турнирінде Есет Қуанов 73 келіге дейінгі салмақта қола жүлде еншіледі.
Үшінші орын үшін өткен белдесуде Есет Қуановқа Грузияның өкілі Михейли Бахбахашвили қарсылас болды. Белдесу барысында грузин спортшысы үшінші ескерту алған соң, төреші жеңісті қазақстандыққа берді. Осылайша, Қуанов турнирдің жүлдегерлері қатарынан көрінді.
Бұл жүлде — Қазақстан құрамасының Астанадағы Grand Slam кезеңіндегі бесінші медалі. Бұған дейін бірнеше спортшымыз күміс пен қола жүлде иеленген.
Айта кетейік, 81 келіге дейінгі салмақта Абылайхан Жұбаназар да қола медаль үшін белдесуге шықты. Бұл — Қазақстан құрамасының медальдық әлеуетін арттыруға зор мүмкіндік.
