2012 жылғы Лондон Олимпиадасының чемпионы, Қарағанды облысы спорт басқармасының басшысы Серік Сәпиев әлемдік бокстың аңызы – Рой Джонспен бірге жаттығу өткізді.
Интернетте таралған видеода Сәпиевтің жаттығу сәттері бейнеленген. Ол рингте лапамен жұмыс жасап, оған көмектесуші ретінде Рой Джонс қатысады. Видеоны төменнен көруге болады.
Серік Сәпиев – қазақ боксының жарқын өкілдерінің бірі. Олимпиада чемпионы ретінде ол тек спорттық ареналарда емес, қоғам өмірінде де белсенді. Бұған дейін ол Қазақстан Парламентінің Мәжіліс депутаты болған. Қазір Қарағанды облысының спорт саласын басқарып келеді.
56 жастағы Рой Джонс – кәсіби бокстың тірі аңызы. Ол рингте жалпы 76 жекпе-жек өткізіп, соның 66-сында жеңіске жеткен. 49 қарсыласын нокаутқа жіберген спортшы бірнеше салмақта абсолютті әлем чемпионы атанған.
