Астанада өткен Alash Pride FC 108 турнирінде қазақ файтері Саламат Исбұлаев бразилиялық ММА ардагері Франсиско Де Лима Массиэлді бірінші раундта техникалық нокаутпен жеңген болатын.
Астанада өткен Alash Pride FC 108 турнирінде 37 жастағы бразилиялық файтер Франсиско Де Лима Массиэл қазақстандық Саламат Исбұлаевтан техникалық нокаутпен жеңіліп, кәсіби мансабын аяқтайтынын жариялады.
Жекпе-жек бірінші раундта техникалық нокаутпен аяқталды. Саламат Исбұлаев қарсыласын қыспаққа алып, жоғары қарқынмен жойқын соққылар жасады. Осыған байланысты төреші кездесуді уақытынан бұрын тоқтатуға мәжбүр болды.
Кездесуден кейін Де Лима Массиэл жекпе-жек мансабын аяқтайтынын ресми түрде жариялап, алаң ортасына өз қолғаптарын қалдырды — бұл ММА әлемінде мансаппен қоштасудың дәстүрлі белгісі.
