Қазақстандық боксшы Балауса Мұздыман YouTube-арнадағы "Спорт Пульс" бағдарламасына берген сұхбатында болашақ жарына қоятын талаптарын ашық атап өтті.
Жас спортшының айтуынша, өмірлік серігі тек сырт келбетімен емес, адамгершілігімен, түсіністігімен және рухани тірек бола алу қабілетімен ерекшеленуі тиіс.
"Менде таңдауға мүмкіндік көп деп айта алмаймын. Дегенмен, ер адам – әрдайым тірек болуы керек. Өзіме спортшы емес адам көбірек үйлеседі, өйткені үйде тек спорт туралы әңгіме болғанын қаламаймын. Ол менің таңдауымды, жолымды, отбасымды құрметтейтін, адал әрі қарапайым адам болса деймін. Өзіне сенетін, шынайы жан іздеймін," – деді Мұздыман.
Балаусаның келесі жекпе-жегі 6 маусымда "Алматы Аренадағы" All Stars Boxing турнирінде жоспарланған. Бұл кездесуде ол Египет елінің өкілі Айя Рамаданмен қолғап түйістіреді.
"Бұл – менің спорттық мансабымдағы маңызды кезең. Жанкүйерлерімді қуантқым келеді," – дейді ол.
