Диас Еренғайыпов (16-3) Тенерифе қаласында кезекті жекпе-жегін Brave CF 95 турнирінде өткізді.
Еренғайыповтың бұл жолғы қарсыласы — АҚШ өкілі, бұрынғы Brave CF чемпионы Хосе Торрес (13-3-1) болды. Жекпе-жек жеңіл салмақта өтті және үш раундқа жоспарланған еді.
Кездесу нәтижесінде төрешілер бірауыздан Диастың пайдасына шешім шығарды. Осылайша, қазақстандық файтер ММА-дегі 17-жеңісін тіркеді. Бұл — оның қатарынан сегізінші жеңісі.
Ал Торрес үшін бұл төртінші жеңіліс болды. Айта кетейік, ол бұрын Brave CF лигасында бантам салмақта чемпион атанған. Алайда соңғы төрт кездесудің үшеуінде жеңіліс тапты.
