Чемпион болудың оңай еместігін айтқан қазақстандық файтер күнделікті жаттығудың, табандылық пен мінездің керегін ашық жеткізді.
UFC жұлдызы Шавкат Рахмонов ауыр еңбек пен чемпион болудың шынайы бағасы туралы ашық айтты. Спортшының сөзінше, жеңім тұғырынан көріну үшін 1-2 жыл мүлдем жеткіліксіз. Бұл туралы қазақстандық файтер жанкүйерлерге арналған бейнеүндеуде мәлімдеді.
"Қандай қиын, иә, жаттығу жасау күнде. Өте қиын. Жеңіске жету одан да қиын. Жарысқа дайындалып шығу...Қаншама адам жаттығу жасайды, бірақ чемпион болу барлығының қолынан келмейді. Қаншама еңбек, қаншама характер керек. Бұл 1-2 жылдық еңбек емес. Адамдар оның бәрін түсіне бермейді. Сондықтан да чемпион болу оңай емес", - деді Шавкат Рахмонов өзінің әлеуметтік желідегі парақшасында.
Айта кетейік, Шавкат Рахмонов қазір жарақаттан кейінгі оңалту кезеңінен өтіп жатыр. Оның бапкері бұған дейін файтердің күзде октагонға оралуға дайын болатынын мәлімдеген еді. Жанкүйерлер спортшының келесі жекпе-жегін тағатсыздана күтуде.
