Әбиба Әбужақынова Будапештте (Венгрия) өткен әлем чемпионатында финалға дейін жетіп, ел үшін тарихи нәтижеге қол жеткізді.
48 келіге дейінгі салмақ дәрежесінде алтын медаль үшін өткен шешуші белдесуде Әбужақынова италиялық Ассунта Скуттомен татамиде жолықты. Өкінішке қарай бұл жекпе-жекте қарсыласы иппон әдісімен чемпион атанды.
Әбужақынова осылайша әлем чемпионатының күміс жүлдегері атанып, Қазақстан дзюдо тарихында өзіндік із қалдырды. Бұған дейін ол екі мәрте қола медаль еншілеген еді. Бұл – оның алғашқы әлемдік финалы.
Италиялық Ассунта Скутто бұған дейін де әлемдік аренада жарқырап көзге түскен: оның еншісінде бір күміс және екі қола жүлде бар болатын. Ал бұл жолы ол армандаған алтын медальға қол жеткізді.
