Қазақстандық дзюдодағы тарихи жетістік.
48 келі салмақ дәрежесінде алтын үшін өткен айқаста Әбиба италиялық Ассунта Скуттомен татамиге шықты. Алайда шешуші кезеңде иппонмен жеңіліп, әлем чемпионы атағына бір қадам жетпей тоқтады.
Жеңілістен кейін спортшының көңіл-күйі түсіңкі болғанымен бұл жетістік — ел спорты үшін үлкен мақтаныш.
Финалдан кейін олимпиада чемпионы Елдос Сметов жас дзюдошыны жеке қарсы алып, күміс жүлдемен шын жүректен құттықтады.
Әлеуметтік желіде тараған видеода Елдостың Әбибаны құшақтап, қолдау білдірген сәті көптің жүрегін елжіретті.
"Бұл — тек медаль емес, бұл — жаңа дәуірдің бастамасы. Қазақ қыздары енді әлемдік аренада өз сөзін айтатын болады", — дейді спорт жанкүйерлері.
