Австралиядағы бокс кешінің басты жекпе-жегі күтпеген финалмен аяқталды.
Австралияның Кэрнс қаласындағы Convention Centre аренасында өткен кәсіпқой бокс кешінде жанкүйерлер жарқын жекпе-жектерге куә болды. Кештің басты оқиғасында жергілікті боксшы, бұрынғы супержеңіл салмақтағы әлем чемпионы (63,5 кг) Лиам Паро (26-1, 16 КО) америкалық Джонатан Наварроны (18-2, 9 КО) мерзімінен бұрын жеңіп шықты.
5-раундта солақай Паро сол жақ бүйірлік соққымен қарсыласын нокдаунға түсірді. Наварро орнынан тұрып, кездесуді жалғастырғанымен келесі раундқа шығудан бас тартты. Жекпе-жек RTD 5 (referee technical decision) нәтижесімен аяқталды.
