Әнел Сақыш 1/8 финалда өзбекстандық Феруза Казаковаға ұпай саны бойынша жеңілді. Қазақстан құрамасы әйелдер арасында алғашқы жеңіліске ұшырады.
Астанада өтіп жатқан World Boxing әлем кубогының 1/8 финалында 54 кг салмақтағы қазақстандық Әнел Сақыш өзбекстандық Феруза Казаковаға ұпай санымен (бірдей шешім) жол берді. Осылайша Казакова ширек финалға өтті, ал Сақыш жарысты тоқтатуға мәжбүр болды.
Алғашқы айналымда Әнел Сақыш неміс боксшысы Татьяна Обермайерді үш мәрте нокдаунға жіберіп, төрешілер шешімімен жеңіске жеткен еді. Сақыш U-22 Азия чемпионатының күміс жүлдегері саналады (Астана 2024).
