Елеусінов пен Дычко АҚШ-ты дүр сілкіндірмек! Салмақ өлшеу рәсімі өтті (ВИДЕО)

Қазақстандық кәсіпқой боксшылар — Олимпиада чемпионы Данияр Елеусінов пен аса ауыр салмақтағы былғары қолғап шебері Иван Дычко 20 шілде күні таңертең АҚШ-та шаршы алаңға шығуға дайын. Екі спортшы да салмақ өлшеу рәсімінен сәтті өтіп, қарсыластарымен дәстүрлі көз арбасу сәтін өткізді.

Жекпе-жек қайда және қашан өтеді?

Бокс кеші АҚШ-тың Пенсильвания штатындағы Вашингтон қаласында өтеді. Бұл шоуда екі қазақстандық боксшы да маңызды кездесулер өткізбек:

• Данияр Елеусінов (12-0, 7 KO) — жартылай орта салмақта филиппиндік Джеймс Бэконмен (26-5, 17 KO) жұдырықтасады.
• Иван Дычко (14-0, 13 KO) — аса ауыр салмақта америкалық Сэмюэл Кроссдамен (11-4-1, 7 KO) қолғап түйістіреді.

Жекпе-жектер Қазақстан уақытымен 20 шілде күні таңертең өтеді.

Боксшылардың соңғы нәтижелері

• Данияр Елеусінов соңғы кездесуін 2023 жылдың 28 қыркүйегінде Алматыда өткізіп, филиппиндік Джо Нойнаяны (23-5-2, 11 KO) мерзімінен бұрын жеңген болатын.
• Иван Дычко 2024 жылдың тамызында АҚШ-тағы Плант-Сити қаласында Крейг Льюисті (15-8-1, 8 KO) нокаутпен жеңіп, кәсіби мансабындағы 14-ші жеңіске қол жеткізді.