Жәмилә Бақбергенова Будапештегі турнирде "күміс" алды

Венгрияның Будапешт қаласында өтіп жатқан Polyák Imre & Varga János Memorial халықаралық турнирінде қазақстандық балуан қыздар кезекті мәрте ел намысын абыроймен қорғады. Кезекті жарыс күнін бұрымдыларымыз 1 күміс, 1 қола жүлдемен аяқтады. Ұлттық құрама көшбасшысы Жәмилә Бақбергенова (72 кг) ақтық сында Үндістан өкілі Харшита Харшитаға жол берді. Тағы бір отандасымыз Нилуфар Райымова (57 кг) қолаға қол жеткізді.

Бұл туралы ҚР Туризм және спорт министрлігі Спортты дамыту дирекциясының баспасөз қызметі хабарлады.

Ертең бозкілемге кімдер шығады?

Турнир жалғасуда. 20 шілде күні жарыс жолына келесі спортшылар шығады:

• Тыныс Дүбек (62 кг)
• Ирина Казюлина (68 кг)
• Эльмира Сыздықова (76 кг)

Сонымен қатар грек-рим күресі бойынша да қазақстандық балуандар белдесуге шығады.

Турнирге қатысушы елдер мен формат

Polyák Imre & Varga János Memorial — халықаралық деңгейдегі беделді турнир. Биылғы жарысқа:

• 14 елден
• 99 үздік спортшы қатысуда.