18 тамызда Қытайдың Үрімші қаласында Халықаралық жастар бокс форумы мен беделді "Спорттық лотерея кубогы" турнирі басталады. Қазақстан құрамасы бұл додада басты қатысушылардың бірі болмақ.
Форум мен турнир биыл үшінші рет өтеді. Бұл жолы жарысқа 19 елден 396 спортшы жиналды – бұл іс-шара тарихындағы ең үлкен көрсеткіш.
Қазақстан бірден төрт командасын додаға қосып отыр. Осылайша, біздің ел Қытай, Өзбекстан, Үндістан, Грекия, Корея, Филиппин, Пәкістан және өзге елдермен бірге негізгі фавориттердің қатарында аталады.
Синьцзяндағы ауыр спорт түрлері басқармасының мәліметінше, кездесулер екі алаңда ұйымдастырылады:
Бағдарламаға тек жекпе-жектер емес, бірлескен оқу-жаттығу жиындары да енгізілген. Бұл жиындар алдағы әлемдік додаларға дайындықта маңызды рөл атқарады.
Айта кетейік, дәл осы уақытта Қазақстанның бірінші нөмірлі боксшылары Алматы облысында оқу-жаттығу жиынын өткізуде. Олардың басты мақсаты – әлем чемпионатына дайындық. Биылғы дода Ливерпульде (Ұлыбритания) өтеді және оны World Boxing ұйымы өткізбек.
