4 –14 қыркүйек аралығында World Boxing ұйымы Ливерпульде тарихтағы алғашқы әлем чемпионатын өткізеді. Бұл додаға қатысатын басты екі фаворит алдын ала белгілі – Қазақстан мен Өзбекстан.
Көршілес ел жарысқа барынша мықты құраммен аттанады:
Әсіресе назар аудартатыны – Париж-2024 Олимпиадасының чемпиондары Абдумалик Халоков пен Асадхужа Муйдинхужаевтың сапта болуы.
Қазақстанның ерлер құрамасы да мықтылар қатарынан орын алды:
Бұл тізімде тәжірибелі чемпиондар да, жаңа жұлдыздар да бар. Ерекше атап өтерлігі – Сабырхан бауырлары. Махмұт соңғы уақытта боксын айтарлықтай жетілдірсе, Төрехан үшін бұл – ұлттық құрамадағы алғашқы ірі сынақ.
Төрехан Сабырханның қарсыласы болуы мүмкін Шавкатжон Болтаев былтырғы жастар арасындағы Азия чемпионатында қазақстандық Аман Қонысбекпен даулы жекпе-жек өткізген еді. Төрешілер өзбек боксшысына жеңісті беріп, Қазақстан ресми түрде наразылық білдірген болатын. Бұл жағдай Төрехан үшін қосымша мотивация болмақ.
Нұрбек Оралбай – Олимпиада жүлдегері. Оның қарсыласы болуы ықтимал Жавохир Умматалиев әзірге ересектер арасында айтарлықтай жетістікке жете қойған жоқ. Нұрбек үшін бұл турнир – Астанадағы әлем кубогындағы күтпеген жеңілістен кейінгі реванш мүмкіндігі.
Бекзат Нұрдәулетов – 2019 жылғы әлем чемпионы. Оның қарсыласы Акмалжон Исроилов мықты панчер саналса да, тәжірибе жағынан Бекзадтың артықшылығы анық.
Айбек Оралбай – суперауыр салмақта Өзбекстан атынан шығатын Жахонгир Зокировпен жұдырықтасуы мүмкін. Бұл жекпе-жек чемпионаттың нағыз басты айқасына айналуы ғажап емес.
Жахонгир Зокиров чемпионат алдында берген сұхбатында:
«Біздің мақсатымыз – он салмақтың бәрінде алтын алу», – деп мәлімдеді.
Алайда Қазақстан құрамасы бұл сөзбен келіспейді. Сабырхан бауырлары бастаған жаңа толқын мен тәжірибелі көшбасшылардың арқасында біздің боксшылар сенсация жасауға дайын.
