Англияның Ливерпуль қаласында World Boxing ұйымы ұйымдастырған алғашқы ресми ересектер арасындағы әлем чемпионаты өтіп жатыр.
65 келіге дейінгі салмақта өнер көрсететін қазақстандық боксшы Аида Әбікеева жартылай финалда ирландиялық Грэйни Мэри Уолшпен жұдырықтасып, төрешілердің бірауыздан берген шешімімен жеңіске жетті. Осылайша ол Қазақстан атынан алғашқы болып финалға шыққан спортшы атанды.
Ирландия өкілі Уолш үшін бұл жарыс қола жүлдемен аяқталды. Ал Әбікеева енді алтын медаль үшін рингке көтеріледі.Айта кетейік, World Boxing федерациясы ұйымдастырған бұл әлем чемпионаты тарихта тұңғыш рет ресми ересектер арасындағы турнир мәртебесіне ие болды.
