Ливерпульде бокстан алғашқы ресми әлем чемпионатында (World Boxing) Қазақстан құрамасының намысын қорғаған Елдана Тәліпова жартылай финалдық жекпе-жегін өткізді.
80 келіден жоғары салмақтағы жекпе-жекте Тәліповаға Польша өкілі Агата Качмарска қарсы тұрды. Кездесу нәтижесі бойынша төрешілер бірауыздан жеңісті Качмарскаға берді.
Осылайша Агата Качмарска финалда алтын медаль үшін таласуға мүмкіндік алды. Ал Елдана Тәліпова өзінің алғашқы әлемдік додасын қола жүлдемен аяқтап, Қазақстан құрамасына маңызды олжа сыйлады.
Айта кету керек, World Boxing ұйымдастырған бұл дода – ересектер арасындағы тұңғыш ресми әлем чемпионаты. Сондықтан Тәліпованың жеңісі мен қола жүлдесі – қазақстандық бокс тарихындағы елеулі жетістік ретінде жазылды.
