Ливерпульдегі тарихи әлем чемпионатында қазақстандық боксшы Аида Әбікеева финалда жұдырықтасты.
65 келіге дейінгі салмақтағы шешуші айқас Навбахор Хамидовамен қарқынды өтті. Екі боксшы да бір-біріне қарсы шығып, кезек-кезек бастаманы қолға алуға тырысты.
1-раундта Хамидова сәл ғана басым болды.
2-раундта да төрешілердің төртеуі өзбек спортшысына басымдық берді (4:1). Дегенмен, үш судья есепті тең деп тіркеді.
3-раундта Хамидова ескерту алды, осы сәт жекпе-жектің тағдырын шешкендей болды.
Жекпе-жек соңына дейін кімнің жеңетіні беймәлім болды.
Қорытындысында төрешілер жеңісті қазақстандық Әбікееваға беріп, ол екі дүркін әлем чемпионы атанды.
Айта кетейік, бұл чемпионат – World Boxing ұйымының тарихтағы тұңғыш әлем біріншілігі. Қазақстандық боксшылардың әр жеңісі ел спортындағы жаңа парақ болып жазылуда.
