Ливерпульде тамаша өнер көрсеткен қазақстандық былғары қолғап шеберлерінің ішінен үш спортшы ерекше аталды.
Қазақстанның еңбек сіңірген бапкері, ҚР Бокс федерациясы президентінің кеңесшісі Тұрсынғали Еділов сұхбатында былай деп айтты.
“Ерлер арасында мені ерекше таңқалдырған боксшы — Төрехан Сабырхан. Ол өз жекпе-жектерін өте сенімді өткізіп, нағыз чемпиондық мінез көрсетті”, — деді Еділов.
Маманның айтуынша, қыздар арасынан Наталья Богданова жоғары бағаға лайық болды:
«Техникасы өте жоғары боксшы. Рингте әрі шеберлігін, әрі мінезін көрсетті. Барлығы жоғары деңгейде болды».
Сонымен қатар ол Аида Әбікееваның ерік-жігерін ерекше атады:
«Аида айқастардың соңғы сәттерінде жеңісті жұлып алды. Бұл нағыз мінездің көрінісі».
Еске салайық, Ливерпульде өткен әлем чемпионатында Қазақстан құрамасы жалпыкомандалық есепте бірінші орын алды. Қоржынға — 7 алтын, 1 күміс және 2 қола медаль түсті.
